Almaty qalasynyń Bilim basqarmasy Prokýratýra jáne Polısıa departamentimen birlesip jalpyqalalyq ata-analar jınalysyn ótkizdi. Jınalys Almaty qalasy mektepteriniń 1-11 synyp oqýshylarynyń ata-analaryna arnalǵan. Jınalysqa 1000 asa ata-ana qatysty. Spıkerler «Balalardyń qaýipsizdigi – bizdiń ortaq múddemiz» jazǵy saýyqtyrý jáne eńbekpen qamtý tujyrymdamasyn iske asyrý sheńberinde oı qozǵap, jasóspirimder arasyndaǵy ózekti máselelerdi kóterdi.
Balalar jaraqatynyń aldyn alý boıynsha Almaty qalasy prokýrorynyń balalar quqyǵyn qorǵaý jónindegi kómekshisi Ysqaq Dıas Janasuly - ata-analarǵa balalardyń jol-kólik jaraqatynyń aldyn alý, sondaı-aq qalanyńkósheleri men joldarynda balalardyń qaýipsiz júris-turysyn qalyptastyrý daǵdylaryn nyǵaıtý jáne demalys kezinde balalardy qaraýsyz qaldyrmaý kerekigin aıtyp ketti.
Almaty qalasy erekshe tapsyrmalar jónindegi aǵa ınspektory, polısıa maıory Zygın Roman Sergeevıch - balalardyń jol-kólik jaraqattanýynyń aldyn alý, balalarda Almaty qalasynyń kósheleri men joldarynda qaýipsiz jolerejelermen tanystyryp, qaýipsiz sharalarmen tanystyrdy.
Almaty qalasynyń polısıa departamenti Jergilikti polısıa qyzmeti basqarmasynyń ıývenaldy polısıa bóliminiń bastyǵy, polısıa podpolkovnıgi Shonjanova Janna Tursynhanqyzy - Kámeletke tolmaǵandar arasyndaǵy quqyqbuzýshylyq, erte júktilik, lýdomanıa taǵy sol sıaqty máselelerdiń aldyn alý boıynsha túsindirip qana qoımaı, otbasyndaata-analardyń balalarǵa kóbirek kóńil bólinýin talap etti. Sonymen qatar, 111, 150, 102 shuǵyl kómek kórsetý telefondarynyń baryn jáne qıyn jaǵdaıǵa tap bolǵan adamdar habarlasa alatynyn aıtyp ótti.
Almaty qalasynyń Psıhıkalyq densaýlyq ortalyǵynyń dırektory Rahmensheev Sapar Quttybaıuly – Ata-analar nazaryna jasóspirimderdiń tulǵalyq erekshelikteri: oıynqumarlyq, sýısıd, nashaqorlyq týraly mańyzdy aqparat berdi. Egerde bala boıynan jasereksheligine tán emes ózgerister baıqasańyzdar, balany psıhıkalyq qıyn jaǵdaıda ózimen ózin jalǵyz qaldyrmaı, mindetti túrde mamandardyń kómegine júginýin surady.
Psıhologıa ǵylymdarynyń magıstri, addıktolog, «Aqparattyq resýrstyq ortalyq» qoǵamdyq qory, Almaty qalasy boıynsha «Narkostop» jobasynyń ókili - Nazhanova Ǵalıa Áljaparqyzy – jastar arasyndaǵy sıntetıkalyq esirtkini tutynýdyń qaýiptiligin aıtyp ótti.
Almaty qalasy Tótenshe jaǵdaılar departamenti Azamattyq qorǵanys basqarmasynyń maıory, aǵa ofıseri Baımýhambetova Sandýǵash Amantaıqyzy - taýly jáne ormandy jerlerde órt qaýipsizdigi týraly, adamdardyń jer silkinisine deıingi jáne odan keıingi áreketteri, sýdaǵy tártip erejeleri jáne qaýipsizdik sharalary týraly tanystyryp aıtyp ótti.
Almaty qalasy qalalyq mobıldilik basqarmasynyń ókili, VÝSH KZ JSHS óndiristik dırektory Tólebaev Tımýr Álibekuly - Mektep jasyndaǵy balalardyń elektrsamokattardyń paıdalanýǵa tyıym salý týraly aıtty.
Almaty qalasy bilim berýdegi jańa tehnologıalardyń ǵylymı-ádistemelik ortalyǵynyń «Psıhologıalyq qoldaý» bóliminiń basshysy Qokanova Venera Sembekqyzy - UBT tapsyratyn mektep oqýshylarynyń ata-analaryna balalardyń emosıonaldy amadnydyǵy týraly qamqorlyqty kóleńkelemeý kerek ekendigin aıtyp túsindirdi.
Ata-analarǵa balalardyń keńistiktegi qaýipsizdigin qamtamasyz etý, saqtyq sharalaryn aıta otyryp, máselelerdi aıqyndap, aldyn alý joldary men taratpalar usyndy. Sonymen qatar,jasóspirimder psıhologıasy, balaǵa tárbıe berýde tózimdilikpen, sabyrmen, senimmen, súıispenshilikpen jáne durys tárbıe berýdiń mańyzy zor ekeni atap aıtyldy.
Ata-analar jınalys sońynda spıkerlerge ózderin mazalap júrgen máseleler boıynsha suraqtaryn qoıyp, tıisti jaýap alyp, aldaǵy ýaqytta osyndaı jınalystar kóbirek ótkizilse degen usynystaryn aıtyp, alǵystaryn bildirdi.
