Tiri bolsam, qazaqqa qyzmet etpeı qoımaımyn!

Álıhan Bókeıhan

Almatyda 4 jasar Hantóreni uryp óltirgen ógeı ákege qatysty sot úkimi shyqty

22 mamyr 2024 502

Azamattyq nekede turǵan áıeliniń 4 jasar balasyn uryp óltirgen 19 jastaǵy er adamǵa qatysty sot úkimi shyqty, dep habarlaıdy Alash.KZ ulttyq portaly Stan.kz aqparat agenttigine siltep.

Almaty qalasynyń qylmystyq ister jónindegi mamandandyrylǵan aýdanaralyq soty baldyrǵandy óltirdi dep aıyptalǵan er adamǵa qatysty qylmystyq isti qarady.

Sot anyqtaǵandaı, er adam 2023 jyldyń tamyz aıynan beri jaldamaly páterde balanyń anasymen birge turyp kelgen. 2023 jyldyń qyrkúıek aıynda sottalýshy jeke óshpendilik jáne balanyń ákesinen kek alý maqsatynda kámeletke tolmaǵan ógeı uly H.-ny soqqyǵa jyqqan. Buǵan qatysty: 

"Sottalýshy balanyń basy men asqazanyna 8-9 ret urǵan. Saldarynan baýyry jarylyp, ishki qan ketýden bala kóz jumdy. Er adam balany ólimshi halde balabaqshaǵa aparyp tastaǵan. Nátıjesinde, bala balabaqshadan aýrýhanaǵa jetkizildi, birneshe kúnnen keıin ol aýrýhanada alǵan jaraqattardan qaıtys boldy", – dep habarlady sottyń baspasóz qyzmeti.

Prokýror aıyptalýshyny 20 jylǵa bas bostandyǵynan aıyrýdy surady. Sottalýshy óz kinásin moıyndamady.

Sot er adamdy ógeı ulyn óltirgeni úshin kináli dep taýyp, 20 jylǵa bas bostandyǵynan aıyrdy. Sottyń úkimi áli zańdy kúshine engen joq.

Esterińizge sala keteıik, tórt jasar Hantóreni anasy azamattyq nekedegi kúıeýine qaldyryp jumysqa ketken. Sol ýaqytta jas jigit búldirshindi soqqyǵa jyǵyp, balabaqshaǵa aparyp tastaǵan. Aýyr jaraqat alǵan balanyń jaǵdaıy bóbekjaıda kúrt nasharlap, aýrýhanadan bir-aq shyqqan. İsh qurylysy zaqymdanǵan bala tórt kúnnen keıin jansaqtaý bóliminde kóz jumdy.

Bul maqala týraly ne oılaısyz?