Tiri bolsam, qazaqqa qyzmet etpeı qoımaımyn!

Álıhan Bókeıhan

Ákim orynbasary halyqty balaǵattady ma? (VIDEO)

21 mamyr 2024 372

Jelide Almaty oblysy Talǵar aýdany ákiminiń orynbasary men turǵyndardyń kezdesýinen vıdeo tarap jatyr. Keıbir turǵyndar sheneýnikti bizge balaǵattady dep aıyptap aıǵaılaı bastady, dep habarlaıdy Alash.kz.

Vıdeonyń astynda aýdan ákiminiń orynbasary Orazhan Qaspaqbaevtyń «bos ýádeden sharshaǵan» jergilikti turǵyndardy balaǵattaǵany jazylǵan.

Aýdan ákimdigi vıdeo taralyp jatqanyn aıtyp, ony teriske shyǵardy.

«Almaty oblysy Talǵar aýdany ákiminiń orynbasary Qaspaqbaev Orazhan Ómirhanulynyń balaǵat sózder aıtty degen málimdemesi shyndyqqa janaspaıdy. Bul habar sheneýniktiń bedelin túsirý maqsatynda taratylyp otyr. Aqparatty rastaıtyn faktiler joq. Tekserilmegen habarlarǵa senbeýge shaqyramyz», - dep jaýap berdi ákimdiktegiler.

Talǵar aýdany ákimdiginiń bastamasymen 16 mamyrda halyqpen kezdesý ótti.

Bul maqala týraly ne oılaısyz?