Ulttyq statısıka búrosy men sarapshylar sáýir aıynda turǵyn úı naryǵynda baǵanyń qalaı ózgergenin aıtyp berdi, dep habarlaıdy Alash.kz Ulysmedia.kz saıtyna silteme jasap.
Bir jyl ishinde jańa turǵyn úıdiń baǵasy elde 1,6%, ekinshi naryqtaǵy páterler 0,1% ósken.
Abattandyrylǵan turǵyn úı úshin jaldaý aqysy 3,1% qymbattady.
Bastapqy turǵyn úı naryǵyndaǵy baǵalar Aqtóbede 9,5%, Qyzylordada 7,1% aıtarlyqtaı ósti. Ekinshi turǵyn úı naryǵynda Atyraý (12,2%) jáne Jezqazǵan (7,1%), al turǵyn úıdi jalǵa berý naryǵynda Jezqazǵan (23,4%), Qaraǵandy (23%) jáne Atyraý (21%) baǵalar ósimi jaǵynan alǵa shyqty.
Bir aıda páterdi qaıta satý baǵasy 1%, al jańa turǵyn úıdi satý baǵasy 0,4% tómendedi. Abattandyrylǵan turǵyn úı úshin jaldaý aqysy 0,3% ósti.
Sáýirde turǵyn úıdi satyp alý-satý jaǵynan tirkelgen mámileler sany 31 248 qurady. Onyń ishinde jeke úıler boıynsha 7 830 jáne kóppáterli úılerdegi páterler boıynsha 23 418. Turǵyn úıdi satyp alý-satý mámileleriniń sany 18,4% ósti. Mámileler sany boıynsha Astana (5 583 – 17,9%) jáne Almaty (4 949 – 15,8%), sondaı-aq Qaraǵandy oblysy (2 668-8,5%) kóshbasshy bolyp qala beredi. Eń az mámile Ulytaý oblysynda (333 - 1,1%) jasalǵan.
