Tiri bolsam, qazaqqa qyzmet etpeı qoımaımyn!

Álıhan Bókeıhan

Abylaı Myrzahmetov 5 jylǵa sottaldy

13 mamyr 2024 452

«Atameken» Ulttyq kásipkerler palatasynyń burynǵy basqarma tóraǵasy Abylaı Myrzahmetov bes jylǵa bas bostandyǵynan aıyryldy, dep habarlady alash.kz.

Sot úkimimen M. asa iri mólsherde alaıaqtyq jasaýda kináli dep tanylyp, 5 jylǵa sottaldy. Ol jergilikti ózin-ózi basqarý organdarynda jáne kvazımemlekettik sýbektiler sektorynda 10 jyl ýaqyt merziminde qyzmetke ornalasý quqyǵynan aıyryldy, - delingen Astana qalalyq qylmystyq ister boıynsha aýdanaralyq sottyń qaýlysynda.

Sonymen qatar, sot úkimimen sottalýshydan «qylmystyq jolmen alynǵan» 5,8 mlrd teńge memleket paıdasyna tárkilendi. Myrzahmetov memlekettik nagradalarynan aıyryldy. 

Sot úkimi zańdy kúshine engen joq.

Aıta keteıik, sybaılas jemqorlyqqa qarsy is-qımyl agenttigi Abylaı Myrzahmetovti 2023 jyldyń 11 mamyrynda ustady. Ol alaıaqtyq pen kásipkerdi onyń týysyn qylmystyq jaýapkershilikten bosatýǵa járdemdeskeni úshin asa iri kólemde para berýge ıtermelegen degen kúdikke ilingen bolatyn.

Sodan keıin 2018-2019 jyldar aralyǵynda eńbek jáne halyqty áleýmettik qorǵaý vıse-mınıstri bolǵan Nurjan Áltaev deldal arqyly Abylaı Myrzahmetovten para retinde jalpy somasy 50 mln teńgeden astam qarajat aldy dep aıyptaldy. Ol sot úkimimen 10 jylǵa bas bostandyǵynan aıyryldy.

Bul maqala týraly ne oılaısyz?