Tiri bolsam, qazaqqa qyzmet etpeı qoımaımyn!

Álıhan Bókeıhan

9 mamyr kúni Mańǵystaýda 29 jastaǵy er adam 8-synyp oqýshysyn zorlaǵan

10 mamyr 2024 550

9 mamyr kúni Mańǵystaý oblysy Munaıly aýdandyq polısıa bólimine jergilikti turǵyn habarlasqan. Ol 14 jastaǵy qyzyn Daewoo Nexia kóligindegi er adam jetkizip tastaǵanyn aıtty. Onyń aıtýynsha, túngi saǵat úshter shamasynda Basqudyq aýylynyń mańynda 29 jastaǵy júrgizýshi 8-synyp oqýshysyn zorlaǵan.Bul týraly Alash.kz Stan.kz saıtyna silteme jasap habarlaıdy.

Polısıa qyzmetkerleri kúdiktini ustap, ýaqytsha ustaý ızolátoryna qamady. Qylmystyq kodekstiń 120-baby 4-bóligi "kámeletke tolmaǵan balany zorlaý" boıynsha sotqa deıingi tergeý bastaldy.

Buǵan deıin Taldyqorǵan polısıa basqarmasynyń eks-basshysy Marat Kúshtibaevtyń qyz zorlaǵany úshin 11 jylǵa sottalǵany habarlanǵan bolatyn. Burynǵy polısıa qyzmetkeri qylmystyq kodekstiń 120-baby 2-bóliginiń 5-tarmaǵy "qyzmettik mindetterin atqara otyryp, jábirlenýshige kúsh qoldanyp zorlaý" boıynsha kináli dep tanyldy. Qylmys 2023 jyldyń 12 qarashasynda bolǵan. Kúshtibaev qalalyq ishki ister bóliminiń bastyǵy bola tura, óz kabınetinde 27 jastaǵy qyzdy zorlaǵan.

 

Bul maqala týraly ne oılaısyz?