Tiri bolsam, qazaqqa qyzmet etpeı qoımaımyn!

Álıhan Bókeıhan

"7 jyl 1 aı merzimge bas bostandyǵynan aıyryldy". SHQO-da bank qyzmetkeri 32 mln teńge jymqyrǵan

19 mamyr 2024 296

Shyǵys Qazaqstan oblysy Rıdder qalasynda 32 mln teńge jymqyrǵan bank qyzmetkeri sottaldy, dep habarlaıdy Alash.kz. 

Rıdder qalalyq soty baspasóz qyzmetiniń málimetine súıensek, áıel adam bankterdiń birinde kasalyq operasıalar bóliminiń basshysy bolyp jumys istegen. Ótken jyldyń jeltoqsan aıynyń 11-20 aralyǵynda ol 31 900 000 teńgeni jeke shotyna aýdaryp alǵan. Kún saıyn 2,5 mln-nan 5 mln teńgege deıin aýdaryp otyrǵan.

«Aıyptalýshynyń kinási qarajattyń jetispeýshiligi anyqtalǵan eseppen, qolma-qol aqshany tekserý aktisimen, kýágerlerdiń bergen jaýaptarymen, beınejazbalarmen jáne basqa da dáleldermen rastaldy. Sot sheshimimen sottalýshy 7 jyl 1 aı merzimge bas bostandyǵynan aıyryldy. Sondaı-aq oǵan 7 jyl boıy bank qyzmetine qatysty laýazymdarda jumys isteýge tyıym salyndy», - delingen Skifnews.kz aqparatynda. 

Úkim áli zańdy kúshine engen joq.

Bul maqala týraly ne oılaısyz?