Tiri bolsam, qazaqqa qyzmet etpeı qoımaımyn!

Álıhan Bókeıhan

55 sekýndta 12 soqqy: Lıftide áıelin urǵan er adamdy eshkim toqtatpaǵan

17 mamyr 2024 314

Lıftige kirer kezde burynǵy áıelin aıaýsyz soqqyǵa jyqqan er adamnyń vıdeosy tarady, dep habarlaıdy Alash.kz.

NeMolchı qoǵamdyq qory jelide taratqan vıdeodan er adamnyń áıeldi sońynan qýyp kelip, uryp-soǵyp, tepkilegenin baıqaýǵa bolady. Sol sátte lıft kútip turǵan eki jigit jaǵdaıdy jaı ǵana baqylap, áıelge kómek qolyn sozbady.

NeMolchı qoǵamdyq qorynyń jetekshisi Dına Tańsári áıeldi uryp jatqanda arasha túspegen eki jigittiń áreketine tańdanysyn bildirdi.  

"Bir er adam áıeldi urady. Ekeýi jaı ǵana qarap turady. Bul jaǵdaıǵa taǵy qandaı túsinikteme bere alamyn? Bárin ózderińiz kórip otyrsyzdar. Negizi áıel bul erkekpen ajyrasqan, alaıda ol ony ustap alyp, uryp-soǵady. Kadrlardan ony toqtatqan birde bir adamdy kórmedik. Jaı ǵana er adamnyń qolyn ustap, artqa qaıyrǵandaı syńaı tanytqannan basqa eshteńe istemedi. “Eki jigit bul iske qoryqqanynan aralaspady” dep aqtamańyzdar. Bul – jaı ǵana olardyń kúndelikti kórip júrgen kórinisi. Bul adamdar lıftte talaı zorlyq-zombylyqqa kýá bolǵan. Deni saý adam mundaı áreketti kórgende kómekke asyǵady. Tek bizdikiler emes", – dep jazdy Dına Tańsári.

Bul maqala týraly ne oılaısyz?