Tiri bolsam, qazaqqa qyzmet etpeı qoımaımyn!

Álıhan Bókeıhan

"40 kún boıy 50 gradýsqa deıin ystyq bolady": sınoptıkter WhatsApp-ta taraǵan aqparatqa pikir bildirdi

04 maýsym 2024 613

Aýa temperatýrasy Selsıı boıynsha 50 gradýsqa deıin kóteriledi. Ǵalymdardyń aıtýynsha, mundaı qubylys 60 jylda bir ret bolady eken. Bul jalǵan, dep jazady Alash.kz saıty stopfake.kz-ke silteme jasap.

Aýa temperatýrasynyń rekordtyq kórsetkishke deıin kóterilýi týraly feık burynnan bar. Bizdiń saıt byltyr maýsym aıynda taraǵan osy sıaqty aqparat týraly jazǵan bolatyn.

"Qazgıdromet" RMK bıyl taraǵan aqparatqa qatysty pikir bildirdi.

"Maýsymdyq boljamdar konsýltatıvtik bolyp tabylady. Olar qysqa merzimdi boljamdarmen naqtylanyp otyrady. "Qazgıdromet" bir táýlikke, 3 kúnge jáne bir aptaǵa boljam jasaıdy. Aılyq boljamdardyń tek 70% ǵana oryndalady.

Qazaqstanda qýań dala aımaqtar bar. Atap aıtqanda, Túrkistan oblysy. Bul óńirde jazda aýa temperatýrasynyń 40 gradýsqa deıin kóterilýi qalypty jaǵdaı.

Álemniń birde-bir elinde sınoptıkter tutas bir maýsymǵa boljam jasamaıdy. Olar joramaldap aıtady. Damyǵan elderde boljam bir kúnge, 3 kúnge jáne bir aptaǵa jasalady. Esesine, aptalyq boljamdar da naqtylanady. Boljam uzaq merzimge jasalsa, ol naqty jaǵdaıǵa sáıkes bolmaıdy.

Internette jarıalanǵan aqparatqa emes, tek resmı derekkózderge ǵana senińiz.

Aldaǵy jazǵa arnalǵan konsýltatıvtik boljammen bizdiń resmı portalymyzda tanysa alasyzdar", – dep habarlady inbusiness.kz saıty "Qazgıdromet" RMK baspasóz qyzmetine siltep.

Bul maqala týraly ne oılaısyz?