Tiri bolsam, qazaqqa qyzmet etpeı qoımaımyn!

Álıhan Bókeıhan

"30 jyldyń ishinde «DAT» gazetin 11 ret kim japtyrdy?!". Bapı "eski Qazaqstan" ókilderine shúılikti

22 sáýir 2024 565

Májilis depýtaty Ermurat Bapı "eski Qazaqstan" ókilderiniń apatty jaǵdaıda aqparattyq shabýyl jasap jatqanyn aıtyp, buǵan deıin ólimi jumbaq kúıinde qalǵan opozısıa ókilderin jáne birqatar táýelsiz jýrnalıserdiń ólimin tizip shyqty dep, habarlaıdy alash.kz.

"Tapsyryspen jasalǵan saıası ónimder qaı bıliktiń kezinde jasalyp edi? Altynbek Sársenbaev pen Zamanbek Nurqadilovtiń atylýyna deıin, "DAT" gazetiniń jýrnalıseri Ashat Sháripjanov pen Qurmanbekti kim óltirip ketti? Tanymal opozısıalyq jýrnalıser Núrı Mýftah pen Batyrhan Dárimbet joldyń shetinde jaıaý turyp, avtomobıl aptyna qalaı tap boldy? "Zakon ı pravosýdıe" gazetiniń jýrnalısi Oralǵaısha Omarshanova bir túnniń ishinde qalaı joǵalyp ketti, 2007 jyldan beri onyń óligi nege tabylmady?

Qoǵamdyq-saıası gazetter – "HHİ vek", "Epoha", "Sóz", "Trıbýna", "Respýblıka" jáne basqalary, táýelsiz "Maksımým" radıosy, "Maks" táýelsiz televızıasy kimniń bıligi kezinde jabyldy?! "Tań" telekompanıasynyń tolqyn taratý munarasy kimniń kezinde jaryldy?!

30 jyldyń ishinde «DAT» gazetin 11 ret kim japtyrdy?! Táýelsiz ınternet-saıttar «Navıgator» men «Navi.kz» qaı Qazaqstannyń kezinde qýdalaýǵa tap boldy? Táýelsiz BAQ-tardyń redaksıalaryna kimniń bıligi kezinde qaraqshylyq shabýyldar jasalyp, dúıe-múlki órteldi?

Orystar aıtpaqshy, «vse poznaetsá v sravnenıah», «Jańa Qazaqstannyń» kezinde osynyń bir de biri boldy ma? Árıne bolǵan joq, bolmaıdy dep senemiz!" - dedi ol.

Sonymen qatar, depýtat Eski Qazaqstan qandaı aılaǵa baryp otyrǵanyn aıtty.

"Onyń bir sebebi – halyqqa aıtary bar, abyroı-ataǵy bar qoǵam belsendilerin «eski Qazaqstan» óz baýyryna basa basyp, olardy «Jańa Qazaqstanǵa» qarsy aıdap salý úshin belgisiz bir qorlardyń atynan túsiniksiz granttar berýde. Jekelegen qoǵamdyq pikir lıderlerin satyp alýda. Al halyqtyń saıaı turǵyda saýatsyz ókilderi dalbasa dabyraǵa qıqý qosýǵa áýes, dep jazdy dalanews.kz

Degenmen, qalaı desek te, revanshısik kúshterdiń degeni bolmaıdy. Óıtkeni qazaq árdaıym birlik pen berekeni birinshi orynǵa qoıady. Qıyn-qystaý sátte bar qazaq bir qazaq bolyp, bir týdyń astynan tabylady. Muny qazirgi jaǵdaı kórsetip otyr.

Sondyqtan el Úkimetine, Bas prokýratýraǵa aqparattyq keńistigimizge turaqty monıtorıń jasap, eldiń birligine syna qaǵatyn, arandatýshylyq sıpaty bar, zańǵa qaıshy, negizi joq feık aqparattardy taratýdyń aldyn alý sharalaryn qolǵa alýdy usynamyn", - dedi Bapı.

Bul maqala týraly ne oılaısyz?