Tiri bolsam, qazaqqa qyzmet etpeı qoımaımyn!

Álıhan Bókeıhan

24 jyldan keıingi kezdesý: Dildábekovpen judyryqtasqan kýbalyq Rýbalkaba Qazaqstanǵa keldi

24 maýsym 2024 833

2000 jyly Sıdneıde (Aýstralıa) ótken jazǵy Olımpıada oıyndarynda Muhtarhan Dildábekovpen judyryqtasqan áıgili kýbalyq boksshy Aleksıs Rýbalkaba Qazaqstanǵa keldi.

Qos boksshy araǵa 24 jyl salyp qaıta kezdesti, dep habarlaıdy Alash.kz.

Rýbalkaba Túrkistan oblysynda 2006-2007 jyly týǵan jastar arasynda ótetin Muhtarhan Dildábekov atyndaǵy on ekinshi halyqaralyq týrnırge qurmetti qonaq retinde shaqyrylǵan.

Dildábekov pen Rýbalkabanyń 24 jyldan keıingi kezdesýiniń vıdeosy Qazaqstan boks federasıasynyń Instagram jelisindegi resmı paraqshasynda jarıalandy. Vıdeodan qos boksshy tós qaǵysyp amandasqanyn kórýge bolady.

Dildábekov pen Aleksıs Rýbalkaba 2000 jyly Sıdneı Olımpıadasynyń shırek fınalynda judyryqtasqan edi. Bul jekpe-jekte qazaqstandyq boksshy jeńiske jetken bolatyn. Dildábekov osy Olımpıadanyń fınalyna deıin bardy. Ol aqtyq synda ulybrıtanıalyq Odlı Harrısonǵa ese jiberip, kúmis júlde enshiledi.

Eske salaıyq, Muhtarhan Dildábekov Qazaqstan boks federasıasynyń vıse-prezıdenti dep jazdy nur.kz.

Bul maqala týraly ne oılaısyz?