Tiri bolsam, qazaqqa qyzmet etpeı qoımaımyn!

Álıhan Bókeıhan

2000 esek: Jambyl oblysynyń turǵyndary esek baqqan sharýashylyqtan alańdaıdy

17 maýsym 2024 885
Qazaqta "Esiń ketse, eshki baq" degen sóz bar edi. Bul, sirá, eshki jaryqtyqtyń ósimtaldyǵyna baılanysty aıtylsa kerek. Al endi "úıirlep" esek baqqandarǵa ne deımiz? Bul týraly Alash.kz aqparat portaly Jambyl oblysynda turatyn belgili jýrnalıs Kósemáli Sáttibaıulynyń jazbasyna oraı materıal jarıalaıdy. 
 
Avtor "Baıaǵyda esi bar qazaq bir esekten artyq ustamaıtyn. Óıtkeni úıdiń bar sharýasy bir esekten artylmaıtyn. Qazir she? Qazir, tipti, esekke qarap turǵan sharýa da joq. Sonda myna myńǵyrǵan esekti ne úshin baǵyp-qaǵyp, ustap otyr?" dep, Jambyl oblysynyń Baızaq aýdanynan habarlasqan turǵyndardyń surańyn jarıalapty.
Onda Baızaq turǵyndary: 
-Aýdanymyzdaǵy Shahan aýylynda Aıtaly degen bireý 2000 qaraly esek baǵyp otyr. Olary aýyldaǵy jaıylymdyqty jaıpap, aqtaqyrǵa aınaldyryp tastady. Iesimen sóılesip, myna "malyńdy" alyp ket deıin desek, kelmeıdi. Baılanysqa da shyqpaıdy,-deıdi.
Sońǵy jyldary "esektiń etin keıbir dámhanalar men shujyq sehtaryna, samsa, shashlyk jasaıtyndarǵa ótkizetinder paıda bolypty" degen áńgime shyǵa bastady. Qytaı eline ımporttaıdy deıtinder de bar.
 
 
"Aýdan turǵyndarynyń da alańdap otyrǵandary osy saýaldarǵa jaýap taba almaǵandarynan. Eger esekterdiń ıesi sharýasy zańdy adam bolsa, onda ol nege turǵyndarmen jolyǵyp, bıznes- josparymen tanystyrmaıdy? Munshama esekterdi ne istemek? Kúsh kólik qyla ma, álde "azyq-túlik" qyla ma? Mán-jaıyn aıtyp, túsindirmeı me halyqqa?" deıdi ardager jýrnalıs.
 
Alash.kz aqparat portaly bul saýaldy Jambyl oblystyq aýyl sharýashylyǵy basqarmasyna, oblystyq sanıtarlyq- epıdemıalyq stansıasyna joldaı otyryp, eki myńdaı esektiń esebin alyp, qojaıynymen sóılesip,esek baqqan sharýashylyq ıesiniń maqsat-múddesin anyqtaý qajet.
Eldi alańdatpaıyq! Óıtkeni, erteń esektiń eti qazaqtyń qara qazanynan shyǵyp júrmesin? Bala baqsha, mektep ashanalary men kafelerdi de tekserý qajet.
Attary atalǵan mekeme basshylarynan jaýap kútemiz! 
Bul maqala týraly ne oılaısyz?