Tiri bolsam, qazaqqa qyzmet etpeı qoımaımyn!

Álıhan Bókeıhan

200 myń dollar. Shymkent qalasy ákiminiń burynǵy birinshi orynbasary Maqsut Isahov 8 jylǵa sottaldy

20 mamyr 2024 289

Shymkent qalasy ákiminiń burynǵy birinshi orynbasary Maqsut Isahovqa sot úkimi shyqty, dep habarlaıdy Alash.kz saıty.

Ol ulttyq qaýipsizdik komıteti basshynyń orynbasaryna 200 myń dollar para bermek boldy degen aıyppen ustaldy. Sodan beri tergeý ızolátorynda jatqan burynǵy sheneýnik sot barysynda ózine jala jabylǵanyn málimdegen edi. Onyń aıtýynsha, kerisinshe ulttyq qaýipsizdik komıtetiniń Shymkent qalasy boıynsha departament basshysynyń orynbasary Isahovtan aqsha bopsalaǵan.

Daýdyń bári qaladaǵy jylý qubyryn jóndeý úshin ótkizilgen tenderden bastalǵan. Memlekettik satyp alýda jeńgen komanıa Maqsut Isahovtyń ústinen ulttyq qaýipsizdik komıtetine shaǵym túsirgen dep jazdy inbusiness.kz.

Jaryssózde Isahov ózin aqtap shyǵarýyn suraǵan edi. Al prokýror para bermek boldy dep aıyptalǵan sheneýnikke 8 jyl 5 aı merzimde bas bostandyǵynan aıyrýdy suraǵan. Sot oǵan ómir boıyna memlekettik qyzmette jumys isteý quqyǵynan aıyra otyryp, 8 jyl 5 aıǵa bas bostandyǵynan aıyrý jazasyn taǵaıyndady. 

Bul maqala týraly ne oılaısyz?