Tiri bolsam, qazaqqa qyzmet etpeı qoımaımyn!

Álıhan Bókeıhan

171 tehnıka. Almaty oblysy apatty aımaqtarǵa kómek kórsetti

19 sáýir 2024 373

Batys Qazaqstan oblysynda júrgizilip jatqan sý tasqynyna qarsy is-sharalar aıasynda, Oral qalasyna Almaty oblysynan qomaqty kómek kórsetildi. Aǵymdaǵy jyldyń 17 sáýirinde 51 birlik tehnıka tıegen birinshi eshelon jetkizilip, túrli aýdandarǵa taratyldy. Oral qalasyna 15 birlik, Bórli aýdanyna 10 birlik, Aqjaıyq aýdanyna 32 birlik tehnıka bólinip berildi.

Al kelesi kúni, demek 18 sáýirde, ekinshi eshelon 71 birlik tehnıkany jetkizdi. Oral qalasyna 52 birlik, Qostanaı aýdanyna 5 birlik, Bórili aýdanyna 8 birlik jáne Terekti aýdanyna 3 birlik bólindi. Oral qalasyna da qosymsha 49 birlik tehnıka ákelindi.

Qazirgi tańda Batys Qazaqstan oblysyndaǵy sý tasqynyna qarsy is-sharalarǵa, Almaty oblysynan ákelingen barlyǵy 171 tehnıka jumyldyrylǵan. Atap aıtqanda 122-si eshelonmen jetkizilse, Oral qalasynan kelisim - shart boıynsha jalǵa alǵan 42 birlik, jáne KazAvtoDor mekemesiniń fılıalynan 7 birlik tehnıka baǵyttar boıynsha jumys isteýde. Bul tabıǵı apattarmen keshendi kúreste aıtarlyqtaı qosqan kúsh úlesi bolyp tabylady, jáne sý tasqyny qaýpine tıimdi áreket etýge múmkindik beredi.

Osyndaı is-sharalar, qıyn jaǵdaıda elimizdiń óńirleri arasyndaǵy yntymaqtastyq pen aýyzbirshiligin, der kezinde kómek qolyn sozýdyń mańyzdylyǵyn kórsetedi. Birlesken kúsh-jigerimiz sý tasqynynyń zardaptaryn azaıtýǵa, jáne turǵyndardyń qaýipsizdigin qamtamasyz etýge septigin tıgizedi dep senemiz.

Bul maqala týraly ne oılaısyz?