Tiri bolsam, qazaqqa qyzmet etpeı qoımaımyn!

Álıhan Bókeıhan

165 kún qamap ustaǵan: Gúlmıra Satybaldynyń sotynda jantúrshigerlik derekter aıtylýda

03 maýsym 2024 1047

Sotta jábirlenýshi Abaı Júnisov ózine kórsetilgen qysym týraly aıtyp berdi. Almatynyń qylmystyq ister jónindegi mamandandyrylǵan aýdanaralyq sotynda Gúlmıra Satybaldy men onyń burynǵy júrgizýshisi Mádı Batyrshaevqa qatysty kásipkerdi bopsalaý jáne zańsyz bas bostandyǵynan aıyrý isi boıynsha sot talqylaýy bastaldy, dep jazady Alash.kz saıty inbusiness.kz-ke siltep. 

Jábirlenýshi BAUR Kazakhstan kompanıasynyń burynǵy ıesi Abaı Júnisov óz aıǵaqtarynda qalaı 165 kún boıy úıinde qamaýda bolǵanyn, qysymǵa ushyrap, bıznesin tartyp alǵanyn aıtyp berdi. Aıtýynsha, bul oqıǵa  2019 jyldyń aqpan aıynan bastalǵan. Sol kezde Gúlmıra Satybaldy bastaǵan top ony ata-anasynyń úıiniń janynda urlap áketken.

"13 aqpanda men Qalqamandaǵy anamnyń mekenjaıynda bolǵanymda, dosym ekeýmiz syrtqa shyǵyp, kólikke otyrmaq boldyq. Osy kezde Gúlmıra óziniń júrgizýshisi Mádı Batyrshaevpen jáne birneshe qyzmetkermen birge keldi. Ol ózin agressıvti ustap, eshteńe túsindirmedi. Mádı bireýmen telefon arqyly sóılesip turdy. Al Gúlmıra maǵan onyń OPG múshesimen sóılesip jatqanyn aıtyp qorqytty. Sodan keıin psıhologıalyq qysymmen meni kólikke otyrǵyzdy. Eger aıtqanyna kónbesem, myltyqty aýzyma taqap, áketetinin aıtty", – dedi Abaı Júnisov.

Keıin ony "Gaýhartas" TK-degi BAUR Kazakhstan keńsesine ákelgen. Kire beriste betperde kıgen adamdar qarsy alǵan. Keńsede onyń aǵasy Qasym men Satybaldy bolǵan. Olar Abaıǵa bıznesti urlady dep jala japqan.

"Ol ústime bir bótelke sý quıyp jiberdi. Eger men moıyndamasam jáne aktıvter bermesem, tómendegi OPG músheleri meni óz qabirimdi qazý úshin ormanǵa aparatynyn aıtyp qorqytty", – dep eske alady jábirlenýshi.

Júnisovtyń aıtýynsha, ony 2019 jyldyń 14 aqpanynan 28 maýsymyna deıin 165 kún boıy oqshaýlanǵan Qarǵaly shaǵynaýdanyndaǵy úıinde ustaǵan.

"Meni táýlik boıy kúzetpen ustady, úıden shyǵa almadym. Al Satybaldynyń yqpalyna baılanysty quqyq qorǵaý organdarynan kómek te suraı almadym. 18 aqpanda áıelim modemdi úıden shyǵarýǵa tyrysqan kezinde qolyn tereń kesip jibergen. Jedel járdem shaqyryp, jubaıyma kómektesýge tyrystym. Al Batyrshaev jedel járdemniń kelýine jol bermedi. Keıin polısıaǵa qońyraý shaldym. Al polısıa qyzmetkerleri otbasylyq-turmystyq janjal sheshilip qoıylǵanyn aıtty. Keıin Batyrshaev maǵan Gúlmıranyń habarlasqanyn jetkizdi. Ol áıelimdi psıhıatrıalyq aýrýhanaǵa jatqyzyp, meni óltiremin dep qorqytty", – dep qosty jábirlenýshi.

Júnisovtyń aıtýynsha, 2019 jyldyń naýryz aıynda Qaırat Satybaldy jeke kezdesýi úshin "Qaısar plazaǵa" shaqyrǵan.

"Gúlmıra Satybaldy maǵan bul bizdiń sońǵy kezdesýimiz bolýy múmkin ekenin aıtty. Meni Qaırat Satybaldy keńsesi ornalasqan joǵarǵy qabatqa apardy. Gúlmıra maǵan taǵy da urlyq jasady dep jala jaba bastady. Buǵan kináli emes ekenimdi túsindirdim. Sodan keıin Qaırat meni jaryqsyz kórshi kabınetke aparyp, urlyqqa qatysymdy surap, jaýap ala bastady. Ol “eger men qashýǵa tyryssam, qaı jerden bolsyn alyp ketetinin aıtty", – dedi Abaı Júnisov.

Sondaı-aq Abaı Júnisov "Qazaqtelekomǵa" tıesili jabdyq arqyly ótirik detektorynan ótýge májbúr bolǵan. Satybaldynyń jubaıy, sol arqyly sheteldegi aktıvter men múlik týraly aqparatty bilýge tyrysqan.

Bul maqala týraly ne oılaısyz?