Qazaqstandyq saıasatker Jıgýlı Daırabaev pen Aýyl sharýashylyǵy vıse-mınıstri «Qasqa Jol» ıýtýb-arnasynyń kezekti shyǵarylymynda qonaqta bolyp, aýyl sharýashylyǵy týraly sóz qozǵady, dep habarlaıdy alash.kz saıty Skifnews.kz aqparat portalyna siltep.

Amanǵalı Berdalınniń aıtýynsha, tasqynǵa deıin de, odan keıin de júrgizilgen jumystardyń qarasy kóp. Alaıda olar kóp aıtyla bermeıdi.

Tótenshe jaǵdaı bolǵannan keıin Prezıdent dereý tapsyrma berdi. Soǵan sáıkes Úkimet basshysy ózi shtabty bastady. Aýyl sharýashylyǵy mınıstri sol shtabqa múshe boldy. Osyndaı sharalardyń arqasynda 136 myń bas maldy apatty aımaqtan alyp shyqtyq. Bul - col aýyldyń azamattary men belsendiler bolyp jasaǵan jumystyń nátıjesi. Alaıda biz mundaı jaqsy jańalyqty aıtýdyń ornyna, ólgen 8600 maldy aıta beremiz. Qazir shyǵyndy óteý jumystary bastalyp ketti. Naryqtyq aqshamen halyqqa 591 mln teńge berildi. Bul keltirilgen shyǵynnyń 51%-y. Budan bólek basqa oblystar búdjetten tys aqsha bóldi. Apat bolǵannan keıin onyń saldaryn joıý kerek. Bul jerdegi negizgi nazar aýdaratyn másele sol. Máselen ólgen maldyń 98%-y der kezinde kómildi. Bolmaǵanda olar túrli aýrý týdyratyn edi. Odan keıin basqa jaǵdaılardy aıtpaǵanda sibir jarasy kómilgen qorymdardy jyldam baqylaýǵa aldyq. Qazir jaǵdaı turaqty. Ólgen maldy jınap shyǵýdyń ózi úlken sharýa. Osy oraıda úıde jatyp alyp aqyl aıtatyndar da kóp. Olar eldi birlikke shaqyrýdyń ornyna iritki týdyrdy, dedi ol. 

Jıgýlı Daırabaev malyn tirkemeıtinder men ótirik esep beretin ákim-qaralarǵa shúılikti. Onyń sózinshe, barlyǵynyń durys esebin berý aldymen ózderine keıin memleketke paıdaly.

Memlekettik tártip bolýy kerek. Malshy tirligine tıanaqty bolyp, qysqa da basqasyna da daıyn otyrýy aldymen ózine kerek. Táýelsizdik alǵan jyldary Aýyl sharýashylyǵy salasyn biraz aqsatyp aldyq. Qazir jónsiz jasalǵan reformalardyń nátıjesin kórip otyrmyz. Jalpy maldy tirkeý durys, esep kerek. Qaı sala bolmasyn esep pen statısıkanyń orny mańyzdy. Qazir popýlıser óte kóp. Búgingi tańda statısıka týraly zańǵa ózgeris engizip jatyrmyz. Ótirik sıfr men jalǵan aqparattan aýlaq bolýymyz kerek. Máselene, biz jylyna 5-5,5 mln tonna sút óndiredi ekenbiz. Onyń jartysynan kóbi jalǵan aqparat. Oblys, aýdan ákimderine oń kórsetkish kerek, sol úshin osy ýaqytqa deıin ótirik sıfrmen keldik. Osy oraıda barlyǵyn jónge keltirý mańyzdy. Qazir atqarýshy oryndardyń barlyǵyna statısıkany túgendeýge tapsyrma berildi. Nátıesinde májiliste búro basshysy Soltústik Qazaqstan oblysynda mal sany burynǵysynan 41%-ǵa qysqarǵanyn aıtty. Syrtqa jaman kózben kórine bersek te bir rettilik kerek, dedi Jıgýlı Daırabaev.