Tiri bolsam, qazaqqa qyzmet etpeı qoımaımyn!

Álıhan Bókeıhan

1,2 mıllıon eýro. Ulttyq quramanyń kelesi bapkeri Reseıden úlken qarjyǵa bola kelýi múmkin

01 maýsym 2024 259

Bas bapker Magomed Adıev qyzmetinen ketkennen keıin fýtboldan Qazaqstan quramasyn endigi jattyqtyratyn mamandar jaıly aıtyla bastady. Joramal boıynsha, kelesi jattyqtyrýshy retinde Reseı ulttyq quramasynyń burynǵy bas bapkeri Stanıslav Cherchesov saılanýy múmkin. Bul týraly Vesti.kz portalyna habarlady, dep jazdy Alash.KZ ulttyq portaly. 

«Ahmat» fýtbol klýbyndaǵy jumysyna baılanysty ulttyq quramadan ketken Magomed Adıev óziniń ornyna Reseı ulttyq quramasynyń burynǵy bas bapkeri Stanıslav Cherchesovti usyndy.

Taraptar taǵaıyndaý jaǵy boıynsha aqyldasyp, bapkermen boıynsha baılanysqa shyǵyp, Cherchesovke kelissózderdiń sońǵy kezeńine ótý úshin Astanaǵa bıletter alǵany aıtyldy. Jaqyn arada Cherchesov Qazaqstan quramasymen kelisimshart jasaýy múmkin. Ol jylyna 1,2 mıllıon eýro tabys tabady.

Aıta keteıik, Cherchesovtiń basshylyǵymen 2018 jyly Reseı quramasy álem chempıonatynda 1/4 fınalǵa jetken. Ol búginge deıin «Ferensvarosh», «Legıa», reseılik «Dınamo» (Máskeý), «Amkar», «Terek», «Jemchýjına», «Spartak» (Máskeý) jáne avstrıalyq «Vakker-Tırol» komandalaryn jattyqtyrǵan.

Magomed Adıev Qazaqstan quramasyn 2022 jyldan bastap jattyqtyrdy. Onymen birge komanda V dıvızıonyna túsip, Ulttar lıgasynda óz tobynda kósh bastady, sonymen qatar Eýro-2024-ke joldama alý úshin sońyna deıin kúresti. Biraq sheshýshi oıynda Grekıadan 0:5 esebimen jeńilip qaldy.

Bul maqala týraly ne oılaısyz?