Зеленский Путиннің ұсынысына берген жауабын «әлсіз» деп бағалады, деп жазды Alash.kz.
Украина президенті Владимир Зеленский Ресей президенті Владимир Путиннің тікелей кездесу өткізу туралы ұсынысына берген жауабын «әлсіз» деп атады.
Бұл туралы ол өзінің кешкі видеоүндеуінде мәлімдеген.
Зеленскийдің пікірінше, Ресей тарапының ұстанымы соғысты тоқтатуға деген ниеттің жоқ екенін көрсетеді.
«Өкінішке қарай, Ресей тарапы тағы да соғысты таңдады. Бүгінгі жауапты бәрі естіді. Бұл – әлсіз жауап. Ол соғысты аяқтағысы келмейді», – деді Украина президенті.
Оның айтуынша, Путиннің бұл позициясы халықаралық қоғамдастықтағы көптеген адамдардың көңілін қалдырған. Сондай-ақ Зеленский Ресей басшылығы жағдайды өзгертуге мүдделі емес екенін, ал соғыстың жалғасуы белгілі бір топтарға ғана тиімді болып отырғанын айтты.
Сөз соңында Украина президенті Ресейге қысымды күшейту қажеттігін атап өтті.
