Зейнетке шығу жасқа емес, еңбек өтіліне негізделуі мүмкін

Қазақстанда зейнетке шығу тәртібі өзгеруі мүмкін, деп жазады Alash.KZ.

Сенат депутаты зейнетке шығуды еңбек өтіліне байланыстыруды ұсынды. Сенат депутаты Амангелді Нұғманов зейнетақы жүйесін реформалап, оны жасқа емес, еңбек өтіліне негіздеуді ұсынды.

Оның айтуынша, елде қазірдің өзінде әскери қызметкерлер мен құқық қорғау органдары үшін осындай модель қолданылады. Сондықтан бұл тәжірибені кезең-кезеңімен барлық азаматтарға енгізу мүмкіндігін қарастыру қажет.

Депутаттың пікірінше, азаматтар қажетті еңбек өтілін жинағаннан кейін зейнетке шығу уақытын өздері анықтап, осы шешім үшін экономикалық жауапкершілікті де өз мойнына алуы тиіс.