Шымкент қаласында жанжалдан кейін автобус аялдамасын бүлдірген үш жергілікті тұрғын анықталып, ұсталды. Бұл туралы Alash.KZ хабарлады.
Оқиға таңғы сағат шамамен 06:00-де болған. Тәртіп сақшыларының мәліметінше, өзара келіспеушілік салдарынан үш қыз аялдама павильонының шыныларын сындырып, нысанға зақым келтірген.
Күдіктілер бейнебақылау камералары арқылы жедел анықталып, полиция бөліміне жеткізілді. Полицияның хабарлауынша, олардың барлығы ұсақ бұзақылық жасағаны үшін әкімшілік жауапкершілікке тартылған. Сонымен қатар, олармен профилактикалық әңгіме жүргізілген.
Құқық қорғау органдары әрбір заң бұзушылыққа тиісті құқықтық баға берілетінін және кінәлі тұлғалар заң аясында жауапқа тартылатынын ескертті.
