Шымкентте қыздың қыр соңынан қалмай қойған тағы бір жігіт қамауға алынды, деп жазады Alash.KZ.
Жігіт қызбен екі айға жуық араласып, оның ата-анасымен де танысқан. Кейін қыз сөйлесіп жүрген жігіттің бұрын некеде болғанын біліп, қарым-қатынасты бірден тоқтатқан.
"Ер адам үш айдан астам уақыт бойы қызға қоңырау шалып, хабарламалар жазып, қыр соңынан қалмай қудалаған", - дейді полицияда.
Тіпті жәбірленушінің отбасына зиян келтіретінін айтып қорқытқан. Күдікті ұсталып, қамауға алынды.
