Үш адам өлген Алматыдағы жол апатының видеосы жарияланды (ВИДЕО)

Zeekr 009 автокөлігі қатысқан Алматыдағы Аль-Фараби даңғылы бойындағы адам өліміне әкелген жол апатының эксклюзивті кадрлары жарияланды. Кадрларда Zeekr көлігінің Mercedes-Benz автокөлігіне соғылған сәті анық көрінеді, деп жазады Alash.KZ сайты ZTB NEWS материалына сілтеме жасап. 

Апат 2026 жылғы 21 наурыз күні шамамен 03:30-да болған. Тергеу мәліметінше, 1993 жылы туған жүргізуші Александр Пак басқарған Zeekr 009 автокөлігі батыс бағытта қозғалып келе жатып, Мендіқұлов көшесі қиылысында көлікті басқара алмай қалған. Нәтижесінде көлік қарсы қозғалыс жолағына шығып кетіп, Mercedes-Benz автокөлігімен бетпе-бет соқтығысқан.

Жол апаты салдарынан Mercedes көлігінің жүргізушісі мен екі жолаушысы оқиға орнында көз жұмған. Алдын ала ақпарат бойынша, олар шамамен 20–25 жас аралығындағы бір ер адам және екі әйел болған.