Мәскеуде бір жасар қыз бала желшешек ауруынан қайтыс болды. Ата-анасы оны үй жағдайында емдеп жазуға үміттенген, деп хабарлайды Alash.kz.
SHOT мәліметінше, 15 желтоқсанда сәби Химкидегі аурухананың инфекциялық бөліміне жоғары температурамен жеткізілген.
Алайда ата-анасы ауруханаға жатқызудан бас тарту туралы өтініш жазған.
Төрт күн өткеннен кейін жағдайы жақсармаған соң, ата-анасы ақылы жедел жәрдемге жүгінеді.
Дәрігерлер сәбидің тілінің көгеріп кеткенін байқап, бұл желшешектен пайда болған жара екенін анықтаған.
Дәрігерлер балаға екпе салып, инфекциялық ауруханаға баруға кеңес берген.
Ата-анасы ауруханаға бара жатқанда, Ленинград тасжолында сәбидің тынысы тарылып, жағдайы нашарлай бастайды.
Ата-ана мен балаға жолдағы полиция қызметкерлері көмекке келген.
Олар өтіп бара жатқан жедел жәрдем көлігін тоқтатып, сәбиді сол көлікпен Боткин ауруханасына жеткізеді.
Алайда, өкінішке қарай, сәби ауруханада қайтыс болды.
