Түркістан облысында интернет алаяқтар 70 миллион теңгені қолды етті

Түркістан облысында биыл жыл басынан бері 661 интернет-алаяқтық фактісі анықталған. Түркістан облыстық Полиция департаментінің Киберқылмысқа қарсы іс-қимыл басқармасы жүргізген жедел шаралардың нәтижесінде бірқатар қылмыстарға қатысы бар 38 күдікті ұсталды, деп жазады Alash.KZ.

– Тергеу барысында олардың тұрғындарға 70 миллион теңгеден астам материалдық шығын келтіргені белгілі болды. Бұған қоса, Астана қаласында 68 дроптан тұратын ұйымдасқан қылмыстық топ анықталып, қолға түсті. «Антифрод-орталық» жүйесі арқылы биыл күдік тудырған 1 288 адамның банк шоттарын бұғаттау туралы ұсыныс тиісті органдарға жолданды, – деп мәлімдеді облыстық ПД Киберқылмысқа қарсы іс-қимыл басқармасы бастығының міндетін атқарушы Ермек Ералыұлы.

Сонымен бірге, Полиция департаменті мен Халықаралық қазақ-түрік университеті арасындағы меморандум аясында «Кибернадзор» жүйесі арқылы 4 300 құқыққа қайшы материалдың таралуына тосқауыл қойылды.