Түркістан облысы, Сарыағаш ауданында мас болып,әйелін досымен бірге зират басында зорлағандарға қатысты үкім шықты. Бұл жайлы Alash.KZ ұлттық порталы kyn.kz-ке сілтеме жасай отырып хабарлайды.
Ішімдікке тойып алған айыпты әйелін өлтіремін деп қоқан-лоқы көрсетіп, зорлық танытқан.
«Сарыағаш ауданында мас күйеуі досымен бірге зиратта әйелін зорлады. Ол өлтіретінін айтып қорқытқан. Сотталушылар кінәні ішінара мойындады және не істеп жатқанын түсінбегенін айтты», – делінген telegram-арнада.
Сот кінәлі деп танылғандарды 10 жылдан 9 жылға дейін бас бостандығынан айыру жайлы үкім шығарғаны хабарланды.
Қылмыскерлерге қатысты сот үкімі әлі заңды күшіне енген жоқ.
