"Түнде көр қазған" - Атыраудағы қылмысқа қатысты сұмдық дерек жария болды

Атыраудағы қанды қылмысқа қатысты мемлекеттік айыптаушы сотта айыпталушы Сұлтан Сәрсемәлиевке қатысты ауыр айыптардың бірін жариялады. Тергеу нұсқасына сәйкес, ол әйелінің ағасы Наурыз Мұқанғалиевті өлтіріп, денесін өзі жалдап тұрған үйдің ауласына жасырын көмген, деп жазады Alash.KZ

Прокурор мәліметінше, күдікті қылмыс ізін жасыру үшін түнде шұңқыр қазып, мәйітті ғимарат іргетасының маңына көмген. Сот-медициналық сараптама сүйектің жер астында 6-8 ай жатқанын анықтаған.

Айыптау тарапының айтуынша, кейін Сәрсемәлиев үйді мұқият жуып, қан іздерін кетірген. Сондай-ақ марқұмның жеке заттарын иемденіп, қылмыс құралы мен мәйіт оралған кілемді қоқыс полигонында өртеп жіберген.