Алматы облысының Бесағаш ауылында көшеде кетіп бара жатқан жас жігітті жабылып ұрған екі адам ұсталып, уақытша ұстау изоляторына қамалды, деп хабарлайды Alash.kz.
Оқиға 1 желтоқсанға қараған түні болған. Полиция департаментінің мәліметінше, бұл факті бойынша «Бұзақылық» бабы бойынша қылмыстық іс тіркелді.
«Қылмыстық іс аясында оқиғаның мән-жайын жан-жақты, толық әрі объективті анықтау үшін қажетті тергеу әрекеттері жүргізіліп жатыр. Сонымен қатар, іске қатысы бар өзге тұлғалардың мекен-жайын анықтау бойынша жедел-іздестіру шаралары жалғасуда. Тергеудің барысы Алматы облысы Полиция департаменті басшылығының бақылауында», – делінген облыстық полиция департаментінің ресми хабарламасында.
