Әнші Димаш Құдайберген 26 мамырда туған күніне орай жанкүйерлерімен арнайы кездесу ұйымдастыратынын мәлімдеді, деп хабарлайды Alash.kz.
«D and Dears» атауымен өтетін фан-кездесу Almaty Arena стадионында өтеді. Іс-шара «Stranger» концертінің кинотеатрларда көрсетілуіне орайластырылған.
«Шығармашылығыма арналған бұл шоуда қазақстандық әртістер өнер көрсетеді. Сондай-ақ, түрлі сұрақтарға жауап алып, жаңа әндердің премьераларын және бейнебаяндарды тамашалай аласыздар», – деп жазды Димаш әлеуметтік желідегі парақшасында.
Әншінің айтуынша, 27 мамырдан бастап Астанада өткен «Stranger» шоуы елімізде алғаш рет кинотеатрларда 5.1 көлемді дыбыспен және қатысу эффектісімен көрсетіледі.
Фан-кездесуге билеттер келесі аптадан бастап Ticketon сайтында сатыла бастайды.
#Dimash, #DQ, #Dimash Kudaibergenov, #Dears, #KudaibergenovDimash
