Санкциялар 11 сәуірге дейін алып тасталды. Бұл Иранмен соғыс салдарынан зардап шеккен нарықты тұрақтандыру үшін жасалып жатыр, деп жазады Alash.KZ.
Бұл туралы АҚШ Қаржы министрі Скотт Бессент өзінің Х әлеуметтік желісіндегі парақшасында жазды.
“Қолданыстағы жеткізілімдердің жаһандық қамтылуын кеңейту үшін АҚШ-тың Қаржы министрлігі қазір теңізде тасымалданып жатқан ресейлік мұнайды елдердің сатып алуына уақытша рұқсат берді. Бұл тек жолда келе жатқан мұнайға ғана қатысты тар ауқымды, қысқа мерзімді шара. Сондықтан ол Ресейге айтарлықтай қаржылық пайда әкелмейді, өйткені Ресейдің энергия ресурстарынан түсетін негізгі табысы өндіру орнында алынатын салықтар арқылы қалыптасады”, – деді ол.
