ҰҚШҰ-ның жаңа бас хатшысы Таалатбек Масадыков жайлы не белгілі? Бұл туралы Alash.KZ хабарлайды.
Ол бұл қызметке 2026 жылдың қаңтарында кіріседі.
Таалатбек Масадыков — Қырғызстанның танымал дипломаты, саясаткері және халықаралық қауіпсіздік саласы бойынша тәжірибелі сарапшы. Ол Біріккен Ұлттар Ұйымының Ауғанстандағы саяси миссиясында көп жыл жұмыс істеп, аймақтық қауіпсіздік, бейбітшілік орнату және келіссөз жүргізу үдерістеріне белсенді қатысқан.
Масадыковтың халықаралық деңгейдегі тәжірибесі өте мол. Ол Ауғанстан, Орталық Азия мен Таяу Шығыстағы геосаяси жағдайды терең білетін маман ретінде белгілі. Дипломат қарулы жанжалдарды реттеу, экстремизмге қарсы күрес және гуманитарлық мәселелер бойынша ірі жобаларды басқарған.
Таалатбек Масадыковтың Ұжымдық қауіпсіздік туралы шарт ұйымының (ҰҚШҰ) жаңа бас хатшысы болып тағайындалуы ұйым саясатындағы жаңа кезеңнің басталуы деп бағалануда.
Таалатбек Масадыков Мәскеуде білім алған. БҰҰ жүйесінде 12 жылдан астам уақыт жұмыс істеген.
Қырғызстан қауіпсіздік кеңесі басшысының орынбасары, ал 2024 жылдан бастап ҰҚШҰ Бас хатшысының орынбасары қызметін атқарды.
«Қақтығыстар ҰҚШҰ шекараларына жақындап келеді, ал Батыс гибридті соғыс пен жалған ақпаратты белсенді түрде пайдаланып жатыр. Біз реакцияға емес, талдауға, болжауға және қауіп-қатердің алдын алуға назар аударып отырмыз», - деп мәлімдеді ол бұған дейін.
