Футболдан «Висла» клубының негізгі инвесторы Томас Кокосиньски Краков қаласындағы мейрамханалардың бірінде орын алған қайғылы жағдайдан кейін көз жұмды, деп хабарлайды ALASH.KZ.
Хабарламада айтылғандай, кәсіпкер Польшаға Краков клубының миноритарлық үлесін сатып алуды аяқтау үшін келген.
Келісім сомасы 5 миллион долларға бағаланған.
Алайда 4 маусым күні кешке Краковтағы мейрамханалардың бірінде ол вареникке тұншығып, есінен танып қалған.
Ер адам ауыр жағдайда ауруханаға жеткізілді, дәрігерлер оған гипоксия және ми өлімі диагнозын қойды.
Бірнеше күннен кейін оны өкпені жасанды желдету аппаратынан ажыратты: сауығуға ешқандай үміт болмаған.
2010 жылдан бері Кокосиньски металл өңдеумен айналысатын Metalogic Industries компаниясын басқарып келген.
