Талдықорғанда ер адам 34 жастағы әйелді пышақтап өлтірді

Жәбірленуші алған жарақатынан ауруханада көз жұмды. Алдын ала мәлімет бойынша, 36 жастағы күдікті екеуінің арасында телефон арқылы жанжал болған, деп жазады Alash.KZ.

Ашуға булыққан ер адам масаң күйде әйелге келіп, кеуде тұсынан 4-5 жерден пышақ салған.

Қазіргі уақытта күдікті ұсталып, тергеу әрекеттері жүргіп жатыр, дейді полиция.

Айта кетейік, күдікті бұған дейін де денсаулыққа қасақана ауыр зиян келтіргені үшін және ұрлық үшін істі болған.