Танымал қазақстандық әзілкеш Нұрлан Сабуров Ресей Федерациясында заңды құжаттарды ресімдеу кезінде қиындықтарға тап болғанын алғаш рет ашық айтты, деп жазады Alash.kz.
Дубайда өткен кезекті концертінде ол орыс тілі мен тарихы бойынша тапсырылатын міндетті емтиханнан өте алмай қалғанын жеткізді. Бұған дейін салық және көші-қон заңдарын бұзғаны үшін оған аталған елге 50 жыл бойы кіруге шектеу қойылған болатын.
Комик құжат тапсыру барысындағы қызықты сәтімен бөлісіп, сұрақтардың күрделі болғанын жасырмады. Әсіресе тарихи деректерге қатысты сауалдар оған айтарлықтай кедергі келтірген көрінеді.
Нұрлан Сабуров бұл жағдай туралы былай деді:
«Әйелім екеуміз бір партада отырдық. Сұрақтар қиын болды, мысалы, Русьтің шоқынуы қашан болды деген сияқты. Қорытындысында әйелім тапсырды, мен — жоқ».
Айта кетейік, Сабуров соңғы уақытта Ресейдегі заңнамалық талаптарға байланысты бірқатар кедергілерге тап болып жүр. Бұл жолғы мәлімдемесі оның Ресейдегі ресми мәртебесіне қатысты көптеген сауалдарға нүкте қойғандай болды.
