Орманда шырын қорабын көтерген ер адамның екі аяғы мен қолы жұлынып кетті, деп хабарлайды ALASH.KZ.
Ресейдің Курск облысында 54 жастағы ер адам орман алқабынан табылған шырын қорабын көтермек болған кезде жарылыс болып, ауыр жарақат алды.
Оқиға Глушков ауданында болған. Алдын ала мәлімет бойынша, ер адам орман жиегінде жатқан шырын қорабын байқап, оны қолына алған. Сол сәтте қорап жарылып кеткен.
Жарылыс салдарынан ер адамның екі аяғы мен сол қолы үзіліп кеткен. Оған оқиға орнында медициналық көмек көрсетілді.
Курск облысының губернаторы Александр Хинштейннің мәліметінше, зардап шеккен адамның жағдайы ауыр.
Оны әрі қарай емдеу үшін жақын уақытта Курск қаласына эвакуациялау жоспарланып отыр.
Жарылысқа не себеп болғаны және қораптың ішіне жарылғыш заттың қалай түскені әзірге белгісіз. Қазір оқиғаның мән-жайы анықталып жатыр.
