Италияның Поцца-ди-Фасса қаласында өткен FIS халықаралық турнирінде қазақстандық тау шаңғышысы Александра Скороходова алтын тұғырдан көрінді, деп хабарлайды Alash.kz.
Отандасымыз әйелдер арасындағы слалом бәсекесінде үздік нәтиже көрсетіп, жарыс жеңімпазы атанды. Скороходова мәре сызығын 01:39.67 уақыт көрсеткішімен қиып өтіп, қарсыластарынан басым түсті. Одан кейінгі екінші орынды испаниялық Джун Гаритано Итурбе иеленсе, үздік үштікті америкалық Эмма Гуггенхаймер түйіндеді.
Аталған жеңіс қазақстандық спортшының халықаралық деңгейдегі кезекті табысы ретінде тіркелді. Қазіргі уақытта Александра Скороходова өз көрсеткіштерін жақсартып, алдағы ірі додаларға дайындығын жалғастыруда.
