Қазақстандық конькиші Надежда Морозова Норвегияның Хамар қаласында өтіп жатқан Әлем кубогының төртінші кезеңінде күміс жүлде иеленді, деп хабарлайды Alash.kz.
Морозова а конькимен жүгіру спортында бақ сынап, 1500 метр қашықтықта 1:54.98 нәтижесін көрсетіп, екінші болып мәреге жетті. Бұл қашықтықта жапониялық Михо Такаги 1:54.95 уақытпен жеңімпаз атанса, үшінші орынды норвегиялық Рагне Виклунд (1:55.18) иеленді.
Аталған жарыста Қазақстан атынан сынға түскен тағы бір спортшы Елизавета Голубева 1:56.84 нәтижесімен сегізінші орынға тұрақтады.
