ҚР Сыртқы істер министрінің орынбасары Роман Василенко Ауғанстан билігін қолына алған Талибан үкіметіне қатысты пікірін білдірді.
Василенконың айтуынша,Қазақстан Ауғанстанмен сауда-экономикалық ынтымақтастық жасауға аса ниетті.
"Бүкіл дүние жүзінің өкілдері қазір Ауғанстанмен және сол елдегі билікті қолға алған ұйыммен жұмыс істеп жатыр", - деді ол.
Алайда ол, Ауғанстанда әйелдердің құқығына қатысты мәселелер барын айтты. Талибан үкіметі әйелдерді үкімет құрамына қосу туралы уәделерін әлі де талқылап жатқанын айтты.
"Ауғанстан - Орталық Азиядағы көршіміз және мұндай өзара іс-қимыл қазіргі уақытта біздің мүддемізге қайшы емес", - деді вице-министр.
Айта кетейік, 2024 жылғы 13-14 маусымда өтетін Астана халықаралық форумына Талибан үкіметі шақырылған.
