Шығыс Қазақстанда көршісінен өш алмақ болған ер адам шатасып басқа біреудің қорасын өртеп жіберген

Оқиға Шемонаиха ауданында орын алды деп хабарлайды Alash.kz  Zakon.kz-қа сілтеме жасап.

Облыстық Полиция департаменті баспасөз қызметінің мәліметіне сүйенсек, 27 жастағы ер адам көршісімен араздасып қалып, оның қорасын әдейі өртемек болады.

Кейін ол ренжіскен адамының емес, оның көршісінің қорасын өртеп жібергенін түсінген.

Өрт салдарынан жәбірленушіге 7 млн теңгеден астам шығын келтірілді.

Тілсіз жаудан 10-нан астам мал, 20 тонна шөп, 5 тонна мал азығы және шаруашылық техника жанып кеткен.

Қазіргі уақытта қылмыстық іс бойынша тергеу амалдары жүргізіліп жатыр.