АҚШ президенті Дональд Трамптың әкімшілігі 10 елшілік пен 17 консулдықты жабу, сондай-ақ шетелдегі бірқатар дипломатиялық өкілдіктердің қызметкерлерін қысқарту немесе біріктіру жоспарын қарастыруда, деп хабарлайды ALASH.KZ.
Бұл туралы The New York Times басылымы танысқан Мемлекеттік департаменттің ішкі қызметтік жазбасында айтылған.
Басылымның жазуынша, ұсынылған шаралар АҚШ-тың дерлік барлық құрлықтардағы дипломатиялық қатысуын едәуір қысқартуға әкеледі.
Бұл – Трамп әкімшілігінің бұған дейін ұсынып келген ондаған дипломатиялық миссияларды жабу және шет мемлекеттерде жұмыс істейтін жергілікті қызметкерлерді жұмыстан босату жөніндегі кең ауқымды жоспарларын жалғастыру болып табылады.
«Бұл қысқартулар Трамптың үкімет көлеміндегі федералды шығындарды азайтуға деген ниетіне, сондай-ақ Мемлекеттік департамент басшылығының мекеме бюджетін шамамен 50 пайызға қысқарту жоспарына сәйкес келеді», – делінген материалда.
