Индонезияда депутаттарға берілетін жеңілдіктерге қарсы жаппай наразылық акциялары бір аптаға жуық уақыт бойы жалғасуда. Джакартада митингке шыққандар парламент мүшесінің үйін тонап, Макассар қаласында парламент ғимаратын өртеп жіберген, деп жазады Alash.kz.
Толқулар ел депутаттарының ай сайын тұрғын үйді жалға алғаны үшін өтемақы алатыны туралы ақпараттан кейін басталған. Шерушілер жалақыны көтеруді, еңбек жағдайын жақсартуды және парламентті тарату талабын қойып отыр.
Наразылық барысында мемлекеттік қызметкерлердің үйлері қиратылып, полиция учаскелері өртелген.
Бүлік кезінде кемінде 4 адам қаза тауып, тағы 5 адам жараланған. Қалалық инфрақұрылым зақымданып, қоғамдық көлік қозғалысы уақытша тоқтатылды. Оңтүстік Джакартадағы маңызды көлік магистралі жабылған.
