@patriotkaragandy Іnstagram-парақшасында жарияланған мәліметке сүйенсек, ол 78 жастағы анасының мұрны мен бірнеше қабырғасын сындырып, ішкі мүшелерін зақымдаған.
Таяқ жеген кейуана ұлына зиян тигізбеу үшін жедел жәрдем шақыруға қорқып, екі күн бойы үйде жатқан. Бірақ үшінші күні кейуананың ауыр халін көрген көршілері дәрігер шақырған.
Кейін әйелдің жағдайын көрген дәрігерлер полицияға хабарласып, полиция қызметкерлері өз кезегінде ұлын ұстады. Жауап алу кезінде ол проблемаларға байланысты жүйкесі жұқарғанын, сол себепті анасына ренжігенін айтты.
Қарағандының тергеу соты қазір марқұм Оразалиновтың ұлын екі айға қамауға алған.
Айта кетейік, Шаймерден Оразалинов – көрнекті саяси қайраткер. Қарағанды қаласының әкімі қызметін атқарған. Кезінде Мәжілістің екінші және үшінші шақырылымдарының депутаты болды. Қарағанды қаласының Құрметті азаматы. Ол 2019 жылы 30 сәуірде 77 жасында қайтыс болған.
Фото: Pixabay
