Перизат Қайрат пен оның анасы Ғайни Алашбаеваға қатысты үкім жарияланғаннан кейін, адвокат Асланбек Дәулетияров қорғау тарабы сот шешімімен келіспейтінін мәлімдеді, деп хабарлайды Alash.kz.
“Иә, мен мұндай жаза түрі мүмкін екенін түсіндірдім. Бірақ біз бұл үкіммен келіспейміз. Үкімге шағым түсіретін боламыз” деді ол журналистерге.
Оның айтуынша, айыпталушылар сот шешімін ауыр қабылдаған.
“Реакциялары өте эмоционалды болды. Қиын. Олар ештеңе айтқан жоқ”
Перизаттың анасы Ғайни Алашбаева үкім жарияланған соң сот залында қамауға алынды.
