Жамбыл облысының аумағында магнитудасы 3,7-ге тең жер сілкінісі тіркелді, деп хабарлайды Alash.kz.
Қазақстанның ұлттық деректер орталығының мәліметінше, сейсмологиялық оқиға 8 қарашада Астана уақытымен сағат 20:38-де болған. Жер сілкінісінің эпицентрі 44,51 градус солтүстік ендік пен 74,44 градус шығыс бойлық координаттарында орналасқан.
Мамандардың есептеуінше, жер асты дүмпулерінің магнитудасы mb=3.73, ал энергетикалық класы K=8.55 құрады. Жер сілкінісінің ошағы 11 шақырым тереңдікте орналасқаны белгілі болды.
