Ресейдің Камчатка аймағында жанартау атқылай бастады, хабарлайды Alash.KZ ұлттық порталы.
Камчатка аймағында жанартау атқылай бастады. Жанартаудың атқылауына жер сілкінісі себеп болған.
18 тамызға қараған түнде Камчатканың оңтүстік-шығыс жағалауында тіркелген жеті балдық жер сілкінісі болды. Ресей ғылым академиясының Қиыр Шығыс бөлімшесіне қарасты Вулканология және сейсмология институтының баспасөз қызметі хабарлағандай, Шивелуч жанартауының ауданында қызыл авиациялық код жарияланған - оның белсенділігі жергілікті әуе тасымалы үшін қауіпті.
"Атқылау жалғасты, визуал бағалау бойынша күлдің биіктігі теңіз деңгейінен 8 км жоғары. Үздіксіз жоғары энергиялы электростатикалық разрядтар жүріп жатыр", - деді ғалымдар.
Шивелуч жанартауы Усть-Камчат ауданының Ключи кентінен 50 шақырым және Петропавл-Камчатскийден 450 шақырым қашықта орналасқан.
