Украина Президенті Владимир Зеленский Таяу Шығыстағы қақтығыстарға қарамастан, халықаралық қауымдастықты Украинаға қолдау көрсетуді тоқтатпауға шақырды, деп жазады Alash.kz.
Британия парламенті мүшелеріне арнаған сөзінде ол Мәскеу мен Тегеран арасындағы саяси және әскери байланыстардың идеологиялық негізіне тоқталды.
Украина басшысы өз мәлімдемесінде екі елдің режимдері арасындағы ұқсастықтарды атап өтті. Оның пайымдауы бойынша, Ресей мен Иранның әскери одақтастығы ортақ мүдделерден ғана емес, белгілі бір құндылықтар жүйесінен бастау алады. Зеленский бұл мемлекеттердің әрекеттері әлемдік қауіпсіздікке ортақ қатер төндіретінін меңзеді.
Зеленскийдің британдық депутаттар алдында сөйлеген сөзіндегі төл сөзі келесідей:
«Ресей мен Ирандағы – ниеттес режимдегі қаскөйлер, сондықтан олар қарулас бауырлар. И біз өшпенділікке негізделген режимдердің ешқашан, ешбір жағдайда ештеңеде жеңіске жетпегенін қалаймыз».
Қазіргі уақытта Таяу Шығыстағы шиеленіс жаһандық назарды аударып отырған тұста, Украина билігі Батыс елдерінің әскери көмегін азайтпау қажеттігін алға тартуда. Британия парламенті өкілдері бұл мәлімдемеден кейін алдағы уақытта көрсетілетін қолдау пакеттері мен санкциялық саясатты талқылауды жоспарлап отыр.
