Солтүстік Корея көшбасшысы Ким Чен Ын АҚШ-қа қатысты тағы да қатаң мәлімдеме жасады. Бұл туралы Аlash.kz хабарлады.
Мәліметке сәйкес, жақында өткен әскери кеңестің бірінде Ким Чен Ын:
«Ақ үй қызымның меншігіне айналады», – деген сөз айтқан.
Сарапшылар бұл мәлімдемені Солтүстік Корея басшылығының өз армиясының мүмкіндіктері мен ядролық әлеуетіне деген сенімін көрсететін үгіт-насихат сипатындағы сөз деп бағалап отыр.
Соңғы жылдары Ким Чен Ын қоғамдық іс-шараларға қызымен жиі бірге қатысып жүр. Батыс сарапшылары оны саяси әулеттің ықтимал мұрагері ретінде қарастырады. Көшбасшының қызы әскери шерулерде, зымыран сынақтарында және мемлекеттік шараларда әкесінің жанынан жиі көріне бастаған.
Көптеген талдаушылар мұны Пхеньян тарапынан берілген саяси сигнал ретінде бағалайды. Сонымен қатар Ким Чен Ынның мұндай мәлімдемелері Пхеньян мен Вашингтон арасындағы ақпараттық және саяси текетірестің бір бөлігі болып қала береді.
