Арыс қаласының әкімі Қайсар Манқараев Астана-Павлодар тас жолында жол апатына түскен көліктің тізгінінде өзінің ұлы болғанын растады, деп жазады Alash.kz.
Әкімнің айтуынша, ұлы кәмелетке толған, сондықтан заң алдында өз ісіне өзі жауап беруі тиіс.
Сондай-ақ Қайсар Манқараев тергеу жұмысына араласпайтынын және қызметтік өкілеттігін істің барысына ықпал ету үшін пайдаланбайтынын мәлімдеді.
Оның сөзінше, ұлының жол қозғалысы ережесін 29 рет бұзғаны туралы ақпараттың рас-өтірігін білмейді, сондықтан бұл мәліметті растай алмайды.
Бұдан бөлек, әкім сотқа дейін ұлының тіркеуі не себепті Астанадан Екібастұзға ауыстырылғанын және оның үйқамаққа алынуына қатысы бар-жоғын түсіндіре алмайтынын айтты.
