Мәжіліс депутаты Ардақ Назаров кезекті бір сұхбатында парламенттегі қызметіне жайғасқан күні атқарған ерекше жұмысы туралы айтып, "қызметімнен кеткен күні сол кресломды бірге ала кетем" деді деп жазады Alash.kz Democrat.kz порталына сілтеп.
Депутат Ардақ Назаров осы қызметіне қабылданған күнгі оқиғаны еске алып: "Парламент депутаты болып сайланған күні, маған берілген кабинетке келдім.
Кабинетте былғарыдан жасалған жұмсақ, үлкен кресло тұр екен. Мен сол креслоны ертесіне қарапайым, ескі креслоға ауыстырдым.
Бір шеті мүжілген, өте кішкентай орындық қойып қойдым.Креслоға отырып, өзімді басқаша сезініп кетпейін деген ой болды.
Қазір де сол орындық кабинетімде тұр. Депутаттықтан кеткен соң, сол кресломды өзіммен бірге алып кетемін", деді.
