Қытайда биік тұрғын үй кешені өртеніп, 44 адам қаза тапты (ВИДЕО)

Қытайдың Тайпоу ауданындағы 1983 жылы салынған Wang Fuk Court тұрғын үй кешенінде өрт шықты. Кешенде шамамен 4600 адам тұрады. Өртті сөндіруге 700-ден астам өрт сөндіруші жұмылдырылды, деп жазады Alash.KZ.

Қаза болғандар саны 44-ке жетіп, 45 адам ауыр жағдайда. 279 тұрғын із-түссіз жоғалып, олармен байланыс орнату мүмкін болмай отыр.

Алғашқы болжам бойынша, өрт құрылыс қаңқалары арқылы тез таралған. Сол уақытта кешенде ауқымды құрылыс жұмыстары жүргізіліп жатқан.

Полиция үш адамды қасақана емес кісі өлтіру күдігімен ұстады. Олардың арасында екі құрылыс компаниясының басшысы және консультанты бар, олар салғырттық танытты деп айыпталды. Себебі құқық қорғау органдары объектіден терезелерді жауып тұрған пенополистирол панельдерін тапқан. Бұл материалдар және басқа да қауіпсіздік талаптарының бұзылуы өрттің тез таралуына себеп болуы мүмкін.