Қытай Ресейге қырын қарай бастады

Қытай Ресейге жеткізілетін қос мақсаттағы тауарлардың бағасын айтарлықтай арттырды. Bofit зерттеуіне сүйенген FT мәліметі бойынша, 2021–2024 жылдар аралығында Ресей үшін бұл өнімдер 87%-ға қымбаттаған, ал басқа елдерге арналған қытай тауарларының бағасы тек 9% өскен, деп жазады Alash.KZ.

Экономистер мұны Батыс санкцияларынан кейін Мәскеудің импортқа тәуелділігінің артуымен байланыстырады. Ресей балама жеткізушілер таба алмағандықтан, Қытай стратегиялық маңызды өнімдердің негізгі жеткізушісі ретінде өзіне тиімді баға қою мүмкіндігін пайдаланып отыр.

Ұқсас жағдай Түркияға қатысты да байқалады: оған жеткізілетін қытай тауарлары көптеген елдерге қарағанда қымбат. Бұл Қытайдың соңғы жылдары сыртқы саяси ахуалға байланысты таңдамалы баға саясатын жүргізіп отырғанын көрсетеді.

Соңғы жылдары Қытайдың техникалық күрделі тауарлар нарығындағы ықпалы күшейді.